Донда Сенбин атындағы орта мектебінде 3 сынып оқушыларымен жетекшісі И. Нурымбетованың ұйымдастыруымен «Наурыз-думан» тақырыбында мерекелік тәрбие сағаты өткізілді.

Донда Сенбин атындағы орта мектебінде 3 сынып оқушыларымен жетекшісі И. Нурымбетованың ұйымдастыруымен «Наурыз-думан» тақырыбында мерекелік тәрбие сағаты өткізілді. Тәрбие сағатында Наурыздың шығу тарихы туралы, «Сонымен, біз Наурызды не себептен жақсы көреміз? Ұлыстың ұлы күні деп аталып кеткен бұл мейрамның қандай ерекшеліктері бар?» деген сұрақтарға түсінік берілді. Оқушылар тақпақтар айтты, нақышына келтіре Сұлтан Балауса, Стаханшыл Кәусар ән шырқаса,«Наурыз»биін Нұржан Еркеназ бен Ермекбай Әмина тамаша орындады. Ұлттық ойындар асық атудан Базарбай Әлімжан, аударыспақтан Байділда Ергелді жеңімпаздар атанды. Қазақтың салт дәстүрі «Тұсау кесер» көрінісінде ерекше көзге түскен Мананбай Айсана, Ермекбай Әминалар болды. Сонымен қатар мерекелік дастархан жайылды. Наурыз көжеден дәм татып, мерекелiк бағдарламаны тамашалау үшін көрермендер көптеп жиналды.Кең болсын қазағымның керегесі, кетпесін Алла берген берекесі, Алаштың баласына нәсіп болған, Құтты болсын НАУРЫЗ мерекесі!-деген тілекпен кешіміз аяқталды.