"Елімнің бақытын тербеткен тәуелсіздік"

Қазақстан Республикасының Тәуелсіздігіне 30 жыл толуына орай 3 —сынып оқушылары "Елімнің бақытын тербеткен тәуелсіздік" атты тақырыпта сынып сағатын өткізді. Сынып сағатының мақсаты: оқушыларды ұлтжандылыққа, өз елінің тарихын сыйлауға тәрбиелеу. Қазақстанның басты жетістіктерімен таныстыру. Сынып сағаты әнұран айтудан басталды. Оқушылар тақпақтар айтты, сөзжұмбақтар шешті, көгершіндерге Қазақстанға деген тілектерін жазды. Интерактивті тақтадан  тәуелсіздік алғаннан кейінгі жетістіктеріміз туралы видео көрсетілді. Оқушылар өздері жазып келген шығармаларын оқып, суреттері туралы түсіндірді. Сабақ соңын Ескендір Хасанғалиевтың "Атамекен" әнімен қорытындылады.